Ursulinenstraat

Jæja þá er ég komin til Gent í Belgíu. Eftir 13 tíma ferðalag á fimmtudaginn hitt ég Hallveigu í Brussel og þá tók við ein lestarferðin enn, sem tók rúman hálftíma.

Og það versta sem gat komið fyrir gerðist, ég gleymdi insúlíninu hjá Láru og Ágústi í Horsens og vissi ekki af því fyrr en ég fékk sms frá Láru. Hallveig fór með mér í apótek þar sem góð kona reddar mér um skamt þar til að ég fæ sendinguna frá Horsen. Lára Bryndís brást skjótt við og sendi insúlínið í hraðpósti (vonandi fékk hún ekki mikla samdráttarverki við þá aðgerð), ég er henni ákaflega þakklát.

Í gær fór ég með Hallveigu til Brussel að sjá tvær sýningar eða öllu heldur gjörninga, annan með plöntum sem voru tengdar við orkuskynjara og videó, og hinn sem við öndudum í grímur til að hreyfa marglittur sem syntu um á hvítum skjá.  Og ég fór líka í fyrsta skipti í neðanjarðarlest (Metro).

Í dag ætlum við Hallveig að vera í rólegheitum heima. Hallveig var í strembnu prófi á fimmtudaginn og er dösuð eftir allt stressið og vinnuna fyrir prófið sem hún stóðs (auðvitað), húrra fyrir henni.

Athugasemdir

[Elisabet (IP-tala skráð) 23.6.2008 kl. 20:56]

Halló halló ammakisa, er ekki gaman í Belgíu? Allt er flott hérna hjá okkur, allir hressir og kátir hérna á fróni. Byðjum að heilsa.