Jólaföndur

Það er svo merkilegt hvernig maður kveður gamla árið og tekur á móti því nýja.

Ég til dæmis sest alltaf niður á einhverjum kósí stað á heimili mínu milli jóla og nýárs og fletti gömlum jólaföndurblöðum s.s. Bo bedre og Anna Burda til að finna eitthvað skemmtilegt til að föndra með eða til að fá hugmyndir, að einhverju til að skapa.

En að þessu sinni gerði ég það ekki, hugmyndin kom upp í hendurnar á mér á Þorláksmessu.

Á Þorláksmessu hitti ég skemmtilegar konur og snæði með þeim hádegisverð, þær borða allar skötu en ég læt mér nægja saltfisk. Ein af þessum skemmtilegu konum vinnur hjá SORPU og gefur okkur almanak fyrir næsta ár þegar við kveðjumst.

Og viti menn á öftustu síðu þ.e. desember er mynd af körfum (skálum) búnar til úr jólakortum.

Hér koma myndirnar af þessu skemmtilega föndri sem ég hef verið að dunda við síðustu 3 vikur.

Sjón er sögu ríkari.

     

Gömul jólakort sniðin til og saumuð saman.

Athugasemdir

[Hallveig (IP-tala skráð) 22.1.2009 kl. 13:41]

Þú ert nú meiri föndurkonana mamma mín  

mér finnst þetta mjög sniðugt hjá þér og góð nýting á gömlum jólakortum - endurvinnsla endurvinnsla!!  ...nú og svo er hægt að fylla körfurnar af gómsætum jólasmákökum, og/eða konfekti, næstu jól!

Knúsiknús

[Lára Bryndís Eggertsdóttir, 22.1.2009 kl. 17:37]

Þetta er ferlega skemmtilegt!